آخــر الضحــكهـ بكـا

السلام عليكم

مساكم / صبحكم الله بكل خير
جيناكم ومعنا من قصايدنا القديمه
يعني لها حدود السنه تقريبا
ماعندي شي جديد وقلت نطرح بين يديكم هالقصيده
وعساها تعجبكم ان شالله
كان ودي انزل قصيدة (( عروس الفاتنات ))
بس مشكلتها مو موجوده بالجهاز ومافيني اكتبها الحين
قلت ناخذ لكم هالقصيده جاهزه بس ننسخها ونشوف آرائكم فيها
اترككم الحين مع القصيده

ミ♡彡 ‏ آخــر الضحــكهـ بكـا ミ♡彡 ‏

صادقيـن اللـي يقولـوا [color=#ff0000]((آخر الضحــكـه بكـا))
ما ورى فرحـة خفـوقٍ غيـر دمعـات العــيون

شوفني بعـد ابتسامي كيف سايرني الشقا
كيف صـار الضحـك ((همّ ٍ)) والفرح صاير حزون

من عرفـت ((الــحــبــ)) قلبي من جماله ماحكى
والغريـب انـي انـا اسمــع عالـمٍ فيـه يحكـون

قلبـي لــو فكــّر بيحكــي ياشـكـا والا شكـا
يـوم غيـره فـي المحبـه ما سمعهــم يشتكـون

صــار مفهــوم المحبـه عنـد قلبي ((مُشتكى))
صرت اشوف ان المحبّه ((كذب)) والقاسي حنون

ما دريـت ان المحبّــــه صايـره ((ظـلـم وذكـا))
مـن بغــى ياصــل مــراده لازم انهــم يكذبــون

وانـا رجـالٍ صـــدوقٍ اجمـل الفعـل انتقــى
مـن ظهـر ((عبـدالله)) اللـي من خصالـه يشترون

لا سرقــت.. ولا كــذبــت.. ولا طعنـت الاصدقـا
عــاد كيـف اللـي احبّـه!! والله لاعشقـه بجنــون

ذا ضميري من طهـارة [color:2e8d=#ff0000:2e8d]((ام صالـح)) استقـــى
علمتنـي كيـف احب وكيـف احن وكيف اصون

والمصيبــه؟! مالقيــت اللي مثــل امـي لقـى
لجل تشــرح له اصـول الحب وحـروف الفتون

صـرت يادنيـــا اجامـل بـس قـلــبــي اشتقـى
ماعرفــت اللــي تصونــه لازم بظهـرك يخـون

ليـه يادنيـا الغرابـه قلبـــي ظلمــك ماهـــقـى
ليــه انا بالـذات اقاســي ليــه تدميـن الجفون

ليـه سـواد الحـظ دايـــم فـي طريقـي اتّكـا
كلمـــا جيتـــه بضحكـه ردّني كلـّي طعــون

بس خــلاص..القـلـب ميّت .. في حـيــاتك البقا
وش لقلبي فـي حياتـك يومك اخلفـت الظنون؟!

منقول

مشكوره اختي على المرور الطيب

ما ننحرم ان شاء الله