***إذا جاك خبر موتي ***
أنا أهنيك من قلبي قدرت إنك تبكيني
وحق الله يالغالي أنا من القلب هنيتك
***
كذا روحي تعللها ولالي من يواسيني
وأنا اللي بكل معنى الحب والإحساس حبيتك
***
أهون عليك ياعمري كذا وحدي تخليني
تنسى عشرتي وتروح وعمري كله مانسيتك
***
حبيبي قول مابقلبك اذا زعلان صافيني
تدري كم أنا أحبك وتدري كم صافيتك
***
أنا مقدر على زعلك ولا إنك تجافيني
عساني ماتهنى لو أنا في يوم جافيتك
***
أريدك ماتصدقهم كل اللي حكوا فيني
عذول وفيهم الغيره عشان بعمري أنا *****
***
حبك ساكن بقلبي ويجري في شراييني
عشقتك يوم ماشفتك وخليل الروح سميتك
***
تدلل بس على روحي ولو تطلب نظر عيني
وحق الواحد المعبود معاه القلب أنا أعطيتك
***
ولك مني عهد الوفا أقضي عندك سنيني
مطيع بكل ماتامر ولو حارس على بيتك
***
منى نفسي أنا أشوفك ولو خلسات يكفيني
ملكت الكون ساعتها وتاااااااج الراس خلّيتك
***
حبيبي لاتعذبني تراه البعد يظنيني
ورجيتك لاتحسسني أنا غلطان أغليتك؟
***
نار العشق ياعمري ترا بالله تكويني
تشعل في وسط صدري بأول يوم أنا رأيتك
***
حبيبي عوّدلي رجواك قبل موتي يوافيني
قبل لاتنطفي شمعة زمان كان مضويتك
***
مليك الروح لاتنسى إذا ماتقدر تجيني
تذّكر يابعد عمري كم بحيااااتي تمنيتك
***
وإذا جالك خبر موتي أنا ماريد تبكيني
أنا ماريد أتعذّب عشان بيوم بكّيتك
***
ترى لي بس طلب واحد انت اللي تواريني
تلبسني الكفن بيدك قبري تلحده بغيتك
موضوع: ***إذا جاك خبر موتي *** 
الثلاثاء أكتوبر 02, 2007 10:39 pm
